Карло Анчелоти (61) е новиот тренер на Реал Мадрид, објави мадридскиот клуб. Италијанскиот тренер Реал ја презема функцијата по заминувањето на Зинедин Зидан.
Анчелоти потпиша тригодишен договор со Реал, а на јавноста ќе ѝ се обрати утре на прес-конференција.
Италијанскиот стручњак доаѓа од англиски Евертон, кој го водеше од 2019 година и со кој заврши десетти во Премиер лигата минатата сезона.
Анчелоти го водеше Реал од 2013 до 2015 година. Со Реал ги освои Лигата на шампионите, Копа дел Реј, Суперкупот на УЕФА и Светскиот клупски куп на ФИФА. Италијанецот со Реал не успеа да стане шампион на Шпанија. Одработи 199 натпревари за Реал Мадрид и оствари 89 победи и 16 порази.
Во својата кариера ги водеше Реџана, Парма, Јувентус, Милан, Челси, ПСЖ, Реал Мадрид, Баерн и Наполи. Анчелоти во својата кариера има седум европски трофеи и важи за еден од најголемите тренери на сите времиња.
Анчелоти стана првиот избор на Реал откако Масимилијано Алегри ја прифати понудата на Јувентус.
Во конкуренција за нов тренер беа и Маурисио Почетино, Антонио Конте, Раул и Чаби Алонсо. ПСЖ не сакаше да го пушти Почетино, а Конте ќе донесеше компликации во соблекувалната, смета Cadena Ser.
Раул и Чаби Алонсо немаат доволно искуство и тоа би претставувало премногу ризик за Реал. Анчелоти на тој начин се враќа во Реал по шест години во кои работеше во Баерн, Наполи и Евертон.
