Напаѓачот на Манчестер Јунајтед напиша, па избриша коментар на својот Instagram профил кој на Островот се сфаќа како расистички.
Единсон Кавани се извини за својот коментар на Instagram напишан на шпански. Кавани напиша „Gracias negrito“, а спорен е вториот збор. Во Јужна Америка зборот негрито не е воопшто расистички, но во Англија се сфаќа токму како таков бидејчи е сличен со друг навредлив израз.
Коментарот беше на Instagram стори кое самиот Кавани во објави јавно, а во кој на пријател му се заблагодарува за честитките по победата со пресврт на гости кај Саутемптон во неделата вечер.
Негрито во Јужна Америка се употребува како прекар за луѓе со нешто потемна боја на кожата и воопшто не е навредлив термин, но ФА не смета така бидејќи е сличен со европското negro кој е навредлив термин. Шпанскиот збор дури и е демунитив.
„Последното нешто кое сакав да го направам беше да навредам некого. Јас сум тотално против расизмот и веднаш ја избришав пораката откако ми објаснија дека може да биде сфатена поинаку. Најискрено се извинувам“, се извини Уругваецот.
Објаснување стигна и од таборот на клубот: „Нам ни е јасно дека немаше никаква лоша намера од страна на Единсон и тој го избриша коментарот веднаш откако му беше укажано дека може да биде погрешно разбран. Тој се извини доколку предизвикал ненамерна навреда. Манчестер Јунајтед и сите наши играчи сме тотално посветени на борбата против расизмот“.
