Градските инспектори за патен сообраќај во текот на изминатата недела одземале 16 сообраќајни дозволи на такси возила кои вршеле такси дејност без лиценца и извод на лиценца.
Истовремено, биле исконтролирани и голем број локации на такси стојалиштата и било интервенирано за стоење на такси возила надвор од такси стојалиштaта, известиваат од Град Скопје.
Засилените контроли на такси превозот продолжуваат и во наредниот период бидејќи граѓаните имаат доста примедби, најмногу поради узурпација на тротоарите и велосипедските патеки од несовесни такси возачи, не само диви туку и од оние лиценцираните.
