Премиерот на Велика Британија, 56-годишниот Борис Џонсон и неговата свршеница Кери Симондс го одредија датумот на венчавка.
Парот испрати покани за свадба до пријателите и роднините, закажана за 30 јули 2022 година, пренесе Reuters. Борис и Кери се свршија во 2019 година, но венчавката беше одложена поради пандемијата со COVID-19.
Џонсон и свршеницата имаат син Николас кој се роди минатата година на 29 април. Детето го доби името по еден од лекарите кои му помогнаа на премиерот во оздравување од коронавирусот.
Ова ќе биде трет брак за Џонсон кој за првпат се ожени во 1987 година со Алегра Мостин-Овен, но се разведе во 1993 година кога и се венча со Марина Вилер со која има 4 деца. Бракот заврши во 2018 година.
За Кери Симондс ова ќе биде прв брак.
