Кон крајот на минатата година, актерот Ентони Реп го обвини Кевин Спејси дека во 1986-та година, кога имал 14 години, се обидел сексуално да го искористи.
Окружниот обвинител на Лос Анџелес се изјасни дека нема кривично да го гони Кевин Спејси поради обвинение за сексуален напад, бидејќи според законите на оваа држава, настапила застареност на случајот.
Случајот бил на разгледување од април годинава.
Инаку, Ентони Реп го обвини Кевин Спејси дека во 1986-та година, кога имал 14 години, се обидел сексуално да го искористи за време на забава која ја организирал Спејси, кој во тоа време имал 26 години.
„Бев поканет на негова забава, седев на креветот, тој ми пријде и ме подигна како што младоженец носи невеста преку праг и потоа легна врз мене”, изјави минатата година Реп.
По ова обвинување, продуцентите на серијата “House of Cards” му врачија отказ на Кевин Спејси.