Себастјан Тил, еден од архитектите на сензационалната победа на Шериф против Реал Мадрид на стадионот „Сантјаго Бернабеу“ (2:1), откри дека својот победнички гол досега го погледнал повеќе од 100 пати.
Со мајсторски удар 27-годишникот ги собори „Кралевите“ во 90-тата минута, по што се најде во центарот на вниманието на светските спортски медиуми.
„Многу мои пријатели објавија видео на интернет, така што ми е лесно да го гледам голот секој пат кога сум на социјалните мрежи. Го видов до сега повеќе од 100 пати. Со сето тоа, со оглед на тоа што Луксембург е мала земја, можеби сега повеќе луѓе знаат кој сум јас“, рече фудбалерот на Шериф.
„Тоа беше неверојатен гол. Најубавиот и најважниот гол во мојата кариера. Кога бевме деца, сите сонувавме да играме против најголемиот клуб во Европа. А кога ќе го направите тоа, тешко е да се разбере. Отпрвин не сфатив дека постигнав гол за победа на 'Бернабеу'. Сфатив тек кога натпреварот заврши“, откри Тил.
До пред само пред една година Тил беше аматер. Луксембуржанецот играше во редовите на Прогрес Нидеркорн и таму сонуваше за одлична фудбалска кариера. Од Прогрес отиде во Тамбов, Русија, но тимот наиде на големи финансиски проблеми, па не можеа да го плаќаат. По само четири месеци мораше да го напушти клубот, а молдавскиот Шериф го донесе на позајмица, што се покажа како добитна комбинација за сите страни.
Интересно, Тил потекнува од фудбалско семејство. Неговиот татко Серж беше фудбалер на неколку тимови од Луксембург и Белгија, додека неговите двајца браќа Вансан и Оливје играат за украинска Ворскла.