Хјустон Рокитс е полуфиналист во Западната конференција откако ноќеска ја совлада Оклахома со два разлика во последните моменти од натпреварот.
Мајсторката помеѓу Хјустон и Оклахома Сити Тандер даде многу возбудувања и резултираше со трилер завршница. Во последната четвртина Хјустон имаше и +7 пред Оклахома да се врати во игра и да поведе и со +3. Следуваше поен за поен игра, а со тројка при крајот Оклахома повторно го презема водството. Сепак, двете последователни двојки на Рокитс го решија победникот за конечни 104:102.
Најефикасен на натпреварот беше Канаѓанецот од редовите на Оклахома, Лугенц Дорт со 30 поени. Неговиот соиграч Крис Пол забележа трипл-дабл со 19 поени, 11 скокови и 12 асистенции, додека Расел Вестбрук беше предводник на Хјустон со 20 поени и 9 скокови
Хјустон во полуфиналето од Западот ќе се соочи со Лос Анџелес Лејкерс.
Мајами синоќа поведе со 2-0 во партии над Милвоки откако забележа тесна победа. Јанис Адетокумбо со 29 поени и 14 скокови беше најефикасен, но јалова беше неговата статистика бидејќи Милвоки загуби.
Резултати:
Хјустон Рокитс - Оклахома Сити Тандер 104:102 (4-3)
Милвоки Бакс - Мајами Хит 114:116 (0-2)