Се подготвува нов, биографски филм за Наполеон Бонапарта, во режија на Ридли Скот. Славниот актер Хоакин Феникс ќе ја толкува главната улога.
Новиот филм „Kitbag“ ќе биде финансиран од Apple Studios, a со снимање ќе започне идната година, пренесе Deadline.
Хоакин освои Оскар за улогата во „Joker“, а ова не е неговата прва соработка со Скот. Во 2000 година актерот беше дел од филмот „Gladiator“, толкувајќи ја улогата на Комодус.
„Ниту еден актер не би можел подобро да го одглуми Наполеон од Хоакин. Нему одлично му беше оживувањето на еден римски цар, па верувам дека и сега ќе го повтори истиот успех“, изјави Ридли Скот.
