Младиот Норвежанец синоќа постигна два гола во мрежата на Севиља и вели дека инспирација за неговиот настап му послужил завчерашниот хет-трик на Килјан Мбапе.
Ерлинг Браут Холанд вчера постигна два гола и тоа во 27. и 43. минута со кои Борусија поведе со 1:3 и практично ја осигура победата бидејќи во вториот дел Севиља успеа само да дојде до 2:3.
Вели дека Французинот Килјан Мбапе со неговиот хет-трик против Барселона на „Камп Ноу“ му послужил како инспирација за и тој да дава голови на шпанско тло.
„Го гледав натпреварот на Мбапе и тој постигна навистина убави голови кои ме поттикнаа и мене. Беше навистина убаво“, рече Холанд говорејќи за CBS Sports.
„Имавме добар план за игра. Тренерот Един ми рече дека ќе биде мој ден и дека ќе добијам шанси за гол, што и се случи. Ова е важна победа“, додава тој.
Неговата Борусија изгледаше моќно синоќа на „Санчес Писхуан“ за разлика од натпреварите во Бундеслигата каде се мачи иако Холанд со 15 голови моментално е трет стрелец.
„И јас ја чуствувам таа разлика, Не знам што е работата, но можеби во прашање е мотивација или страст или нешто трето. Како и да е, бевме одлични сега, беше задоволувачки“.
Пред реваншот тимот од Дортмунд има убава предност бидејќи има победа и три гола постигнати на гости, па на Севиља ќе ѝ биде страшно тешко да победи со два разлика на гости.
„Не е добро тоа што примивме два гола, но сепак добро е што постигнавме три на гостински терен“, завршува Норвежанецот.
