Борусија Дортмунд славеше како гостин против Волфсбург со резултат 3:1, а натпреварот го одбележа враќањето на теренот на Ерлинг Холанд, кој го круниса тоа со прекрасен гол.
![](/sites/default/files/styles/article_image_xxl/public/2021-11/Erling-Haaland-Dortmund.jpg?itok=0TE4z2if)
Сепак, шоуто го „украде“ навивачка на домашната екипа, чија реакција стана хит на социјалните мрежи по прославата на Норвежанецот.
Волфсбург поведе со голот на Вегхорст во 2. минута, а израмни Џан во 35. минута од пенал. Борусија во водство ја донесе Мален во 55. минута, а триумфот на „Милионерите“ го потврди Холанд, кој влезе во игра во 73. минута, а само осум минути подоцна ги постави конечните 3:1.
Феноменалниот напаѓач по голот се упати кон трибините за да го прослави својот погодок и во таа прилика неочекувано прстот го впери кон трибините, кон фан на Волфсбург.
Очигледно, на госпоѓата не ѝ се допадна тоа, па урнебесно му одговори, а сето тоа го снимија камерите. Сосема очекувано, видеото брзо се прошири на социјалните мрежи.
Холанд сепак беше добро расположен, а подоцна го сподели клипот на социјалните мрежи со порака: „Ова е причината зошто го сакаме фудбалот.“
За одличниот норвешки напаѓач ова беше 50. бундеслигашки гол во исто толку настапи.