Заврши групната фаза на ЕУРО 2024 и познати се сите двојки од осминафиналето.
А, познат е и најдобриот стрелец на воведниот дел на Европското првенство, а сосема е можно повеќето што го следат натпреварувањето да немаат ни слушнато за него.
Најмногу голови во групната фаза постигна Георгес Микаутадзе, играч чија вредност Transfermarkt ја проценува на 15 милиони евра. Станува збор за 23-годишниот репрезентативец на Грузија, екипа која е едно од најпријатните изненадувања на турнирот во Германија.
И не само што е најдобар стрелец во групната фаза со три гола, туку на тој учинок додаде и една асистенција, па тој е и играчот кој ја имаше најдобрата комбинирана статистика за учество во голови во првата фаза од турнирот.
За Грузија одигра вкупно 28 натпревари и постигна 13 гола. На ова ЕУРО беше стрелец на сите три натпревари досега. Погоди против Турција (1:3), Чешка (1:1) и Португалија (2:0), против кои беше и асистент.
Микаутадзе е роден во Лион, а кариерата ја започна како играч на тимот на Мец Б. Тој изби во најсилниот тим во 2019 година и во него е член и денес, откако дел од тоа време мина на позајмица во белгискиот Сераинг, а минатата сезона потпиша за Ајакс во трансфер од 16 милиони евра. Таму не се снајде и по девет одиграни натпревари за клубот без никаков резултат, холандскиот гигант го испрати на позајмица во Мец со опција за откуп за 13 милиони евра. Мец ја искористи таа опција.
Минатата сезона тој постигна 13 првенствени голови на 20 натпревари за Мец, во кои имаше вкупно 38 голови и 13 асистенции на 64 одиграни натпревари. На крајот на сезоната, Мец играше против Сент Етјен во плеј-офот за да остане во првата лига. Првиот натпревар го загуби со 1:2, во вториот одигра 2:2 и во новата сезона ќе биде второлигаш.
