Реал Мадрид летово ќе се обиде да го продаде Хесус Ваљехо (27), објави шпански AS.
Станува збор за дефанзивец кој кариерата ја започна во Реал Сарагоса, а мадридскиот клуб го доведе во 2015 година за пет милиони евра. Иако е под договор со Реал Мадрид девет години, Ваљехо забележа само 31 настап бидејќи беше позајмен во Ајнтрахт Франкфурт, Вулверхемптон и Гранада.
„Реал бара нов клуб за Ваљехо и е подготвен да прифати ниска понуда“, велат шпанските новинари.
Тренерот Карло Анчелоти не смета на Ваљехо чиј договор е со важност уште една година. Со истекот на соработката, Ваљехо би заминал бесплатно, како слободен играч, а на овој начин Реал може да добие некаква отштета.
Се вели дека Ваљехо е „личност на која ништо не може да ѝ се приговори“. Го опишуваат како „голем професионалец“ кој никогаш не се штедел на тренинзите иако бил далеку од првотимски статус.
AS го фали што му го препуштил бројот 5 на дресот на Џуд Белингем, како и што напорно работел дури и за време на паузата, односно помеѓу две сезони.
„Но, тоа нема да биде доволно“, истакнува AS за Ваљехо, кого Transfermarkt го цени на еден милион евра.
