Килјан Мбапе го скрши носот во првото коло против Австрија при победата од со 1:0 и со заштитна маска на лицето го игра остатокот од првенството, а пред денешниот дуел со Белгија отворено проговори за своето ново и очигледно непријатно искуство.
Како што истакна, маската му создава огромни проблеми во текот на играта.
Рече дека досега пет пати ја менувал маската бидејќи ниту една не му одговарала. Се надева дека му направиле соодветна за дуелот против Белгијците.
„Ужасно е да се носи маска. Моето видно поле е стеснето и не можам да видам што сѐ се случува на теренот. Исто така, маската ја задржува потта на моето лице“, се пожали Мбапе, кој го опиша и чувството кога за прв пат играше со маска, против Холандија во третото коло.
„Имав чувство дека го гледам натпреварот во 3D од ВИП ложата. Гледав луѓе на теренот, но се чувствував како да не играм. Штом лекарите ќе ми дозволат да ја извадам маската, ќе ја тргнам“, рече тој.
Мбапе денеска како капитен ќе ја предводи Франција во осминафиналето против Белгија. Натпреварот во Дизелдорф започнува во 18:00 часот и ќе се пренесува во живо на МРТ1.
