Израмнувачкиот гол на Шпанија против Грузија во синоќешниот натпревар од осминафиналето на ЕУРО 2024 предизвика многу контроверзии.
Се играше во 29. минута, Грузија имаше предност од 1:0, а Шпанците долго време ја плетеа мрежата околу грузискиот гол.
Родри ја испрати топката лево до Нико Вилијамс, кој му ја врати назад. Со одличен прв допир, Родри се постави за шут со левата нога и погоди за 1:1, но Грузијците, како и многу неутрални гледачи ширум светот, беа убедени дека судијата во ВАР собата, Жером Бризар, ќе го поништи голот.
Имено, во моментот кога Родри шутна, Алваро Мората беше во офсајд позиција. Иако не играше со топката, беше доволно блиску до патеката на топката за да му смета на голманот Гиори Мамардашвили.
Од ВАР собата немаше никаква реакција, па главниот судија Франсоа Летексје покажа кон центарот.
Фудбалските фанови ширум светот се незадоволни од одлуката на француските судии, бидејќи во групната фаза поради слична ситуација беше поништен гол за Холандија против Франција.
При резултат 0:0 во 68. минута Мемфис Депај шутираше, Мајк Мењан одбрани и топката дојде до Чави Симонс. Тој ја затресе мрежата на Мењан, но голот беше поништен поради тоа што Дензел Думфрис беше во офсајд.
Думфрис во моментот на ударот на Симонс стоеше на неколку метри од Мењан, а ВАР судијата Стјуарт Атвел, откако долго го гледаше видеото, оцени дека Холанѓанецот му пречел да интервенира.
Холанѓаните сметаа дека Думфрис е доволно далеку од Мењан, дека не можел да му пречи и дека голот требало да биде признат.
По сличниот гол на Родриго синоќа и различниот епилог од судиската одлука, нема сомнеж дека Холанѓаните ќе бидат уште повеќе разочарани.
Голот на Родри е на 1:55 на видеото:
а Симонс на 0:40:
