Голден Стејт Вориорс го отпушти легендарниот плејмејкер Крис Пол, а тој за само еден ден најде нов клуб.
![](/sites/default/files/styles/article_image_xxl/public/2024-07/%D0%9A%D1%80%D0%B8%D1%81-%D0%9F%D0%BE%D0%BB-%D0%93%D0%A1-%D0%92%D0%BE%D1%80%D0%B8%D0%BE%D1%80%D1%81.jpg?itok=hTVo5h6Q)
Вориорс вчера го раскина договорот со Пол за да не му плати на 39-годишниот 30 милиони долари во следната сезона, па тој стана слободен играч.
Иако е во доцните играчки години, интересот за Пол сѐ уште е голем, а денеска веќе беше објавено дека тој си најде нов клуб.
The Warriors are waiving guard Chris Paul, who had a $30M guarantee date today, sources tell ESPN. He becomes a free agent.
— Adrian Wojnarowski (@wojespn) June 30, 2024
Пол следната сезона ќе игра за Сан Антонио Спарс, а ќе заработи 11 милиони долари.
Навивачите на Сан Антонио се воодушевени од ова потпишување и едвај чекаат да ја видат соработката помеѓу Пол, еден од најдобрите додавачи во историјата, и Виктор Вембанјама.
Free agent guard Chris Paul has agreed on a one-year, $11 million-plus deal with the San Antonio Spurs, sources tell ESPN.
— Adrian Wojnarowski (@wojespn) July 1, 2024
Пол минатата сезона во дресот на Голден Стејт Вориорс имаше просек од 9,2 поени и 6,8 асистенции на 58 натпревари.
Кристофер Пол играше за колеџ тимот Вејк Форест пред во 2005 да биде одбран од Њу Орлеанс Хорнетс како четврти пик на драфтот. Настапуваше уште и за Лос Анџелес Клиперс, Хјустон Рокитс, Оклахома Сити Тандер и Феникс Санс. Наредната 2024/2025 сезона ќе му биде јубилејна 20-та во НБА.