Со доаѓањето на летото, започна сезоната на лубениците, омилената летна храна за освежување.
Со задоволство се гледа на трпезите, особено во топлите денови, бидејќи има освежителен вкус и помага за гаснење на жедта. Можете да ја консумирате и ако сте на диета, бидејќи 100 грама од овој летен десерт содржи само 30 калории, а богат е со витамини А и Ц, магнезиум и калиум.
Кога купуваат лубеница, многу луѓе се во дилема која да ја изберат, односно не се сигурни која лубеница е зрела, слатка и сочна. Еве 7 знаци кои ќе ви помогнат да го изберете совршениот примерок.
Повеќето лубеници имаат посветла точка на нив, што покажува каде лежеле во градината или на полето. Ако точката е жолта, дури и малку портокалова, тоа е знак дека лубеницата е зрела и слатка, а ако точката е бела, вкусот ќе биде помалку интензивен.
Иако изгледаат привлечно, сјајните лубеници не се добар избор бидејќи не се доволно зрели и затоа не се вкусни. Дури откако кората ќе го изгуби сјајот, лубеницата е подготвена за берба.
Повеќето лубеници на домашниот пазар имаат препознатливи светли и темни пруги. Експертите велат дека бојата на пругите исто така кажува за зрелоста на лубеницата. Ако зелените ленти се интензивни, а светлите се жолтеникави, тоа е добар знак, лубеницата е подготвена за консумирање.
Ако лубеницата има дамки на неа, не грижете се. И тоа е добар знак дека е навистина зрела и вкусна. Имено, тие дамки се отпечаток од исушени лисја и стебленца на кои лежел плодот додека созревал.
Ако лубеницата е потешка отколку што изгледа на прв поглед, тоа значи дека е зрела и подготвена за консумирање. Колку е потешка, толку повеќе вода и сладост содржи.
Можеби најпопуларниот начин да се одреди зрелоста на лубеницата е да се потчукне нејзината површина. Ако испушта звук при удар, зрела е, но ако звукот е пригушен, може да се разочарате и по изглед и по вкус.
Лубениците со правилен облик се секогаш подобар избор од оние што имаат одредени испакнатини и слични неправилности кои укажуваат дека се одгледувани на места каде што не биле доволно изложени на сончева светлина.