Репрезентациите на Турција и Чешка во средата го одиграа натпреварот од третото коло од групата Ф, кој го реши преминот во нокаут фазата на Европското првенство во Германија.
Турците успеаја да ги совладаат Чесите со резултат 2:1 и со тоа да се пласираат во продолжението од натпреварувањето.
Хакан Чалханоглу и Ченк Тосун погодија за Турција, додека Соучек беше единствениот стрелец за Чешка.
На овој натпревар забележан е и рекорден број картони во историјата на ЕУРО, кои ги покажа главниот судија Иштван Ковач.
На турските играчи им покажа дури 11 жолти картони, а на Чесите седум жолти и еден црвен.
Треба да се нагласи дека рекордот беше соборен и кога се во прашање големите натпреварувања, со оглед на тоа што рекордот на светските првенства е 16 картони.
