Тивка, но смртоносна состојба која може да демне неоткриена со години, може да нè изложи на поголем ризик од срцев или мозочен удар.
Според податоците на Светската здравствена организација (СЗО) од 2021 година, се проценува дека околу 1,28 милијарди возрасни луѓе на возраст меѓу 30 и 79 години во светот ја имаат оваа состојба, а тоа е хипертензија.
Високиот крвен притисок, или хипертензија, е состојба која го принудува нашето срце да пумпа потешко за да циркулира крв низ телото.
Така, дополнителниот напор го оптоварува нашето срце, другите витални органи и крвните садови, што потенцијално води до сериозни здравствени проблеми како што се кардиоваскуларни болести, болести на бубрезите, мозочен удар и срцев удар.
Националната здравствена служба (NHS) наведува дека може да почнеме да забележуваме симптоми ако нашиот крвен притисок е 180/120 или повисок, но 139/89 исто така се смета за висок крвен притисок. Сепак, се проценува дека половина од луѓето со хипертензија или не се свесни за својата состојба или не се лекуваат, пренесува Daily Express.
Поради овој недостаток на симптоми, високиот крвен притисок го доби прекарот „тивок убиец“. Сепак, постојат некои знаци на кои треба да внимавате.
Експертите од клиниката Кливленд наведуваат дека постојат три рани симптоми, кои вклучуваат:
- Главоболки
- Заматен вид
- Крварење од носот.
Овие симптоми може да сигнализираат за „хипертензивна криза“ и треба да не поттикнат да побараме медицинска помош. Сепак, единствениот начин да се знае со сигурност дали нашиот крвен притисок е превисок е да го тестираме - или со комплет дома или кај вашиот општ лекар.
