Се чини дека доаѓа крајот на сагата на норвешкото чудо кој најверојатно ќе стнае нов играч на Манчестер Сити.
Познатиот британски новинар Дејвид Орнстин објави дека трансферот на Ерлинг Браут Холанд во Мначистер Сити е завршена работа и се чека само официјализација која треба да се случи токму во тековнава недела, според негови извори од Германија.
„Ерлинг Холанд во Ман Сити е готова работа + потврда се очекува неделава, според извори во Германија. Личните услови се договорени, а Дортмунд очекува Сити да ги информира во наредните денови за намерата да се активира клаузулата за заминување“, напиша Орнстин на Twitter.
Нормално, ваквата информација веднаш предизвика лавина побарувања за одговор од Борусаија, а оттаму се јави директорот Зебастиан Кел, кој ги потврди шпекулациите.
„Очекувам во текот на неделава сѐ да се разјасни. Нема да бидам изненаден доколку си замине“, соопшти Кел, кој е поранешен долгогодишен дефанзивен играч од средниот ред на клубот од Дортмунд. Воедно, тој потврди и дека Борусија ги интензивирала преговорите за ангажман на Карим Адејеми од Салцбург, кој треба да биде замена за Холанд.
Моменталната вредност на Холанд е 150 милиони евра, но во неговиот договор со клубот од Дортмунд стои клаузула која вели дека во претстојниот летен преоден рок може да си замине за отштета од 75 милиони евра, плус дополнителни провизии. Инаку, Холанд беше клиент на неодамна починатиот агент Мино Рајола.