Канадскиот актер Киану Ривс неодамна им откри на медиумите кои свои два филма ги смета за најлоши.
Имено, иако актерот е најпознат по својата работа во жанрови како што се акционите трилери, тој повремено глумеше и во хорор филмови.
Така, според критичарите, во филмот „Constantine“ ја имаше една од своите најдобри хорор изведби, надминувајќи ги границите на натприродниот филмски жанр и внесувајќи ја улогата на иконскиот детектив во ново светло. Хорор режисерот Френсис Лоренс го означи Ривс како една од најважните филмски ѕвезди во тоа време.
Сепак, иако улогата на Ривс во овој филм се сметаше за вистинско кинематографско чудо, има некои хорор филмови за кои тој смета дека се со најлош квалитет.
Ривс еднаш објасни дека бил измамен за неговата улога во хорор филмот „The Watcher“ од 2000 година, во режија на Џо Чабарник, а во кој глумат Џејмс Спејдер и Мариса Томеи. Заплетот на филмот е за поранешен агент на ФБИ, кој е прогонуван од сериски убиец.
„Никогаш не ме интересираше сценариото, но мојот пријател го фалсификуваше мојот потпис на договорот. Не можев да го докажам тоа и не сакав да ме тужат, па немав друг избор освен да го снимам филмот“, призна Ривс.
Потоа зборуваше за хорор филмот „Knock Knock“ од 2015 година бидејќи медиумите забележаа дека повеќе не глуми во слични филмови.
„Тоа беше катастрофа. Го мразам тој филм. Страшно е“, рече актерот.
Инаку, Киану Ривс е најпознат по франшизите „John Wick“ и „Matrix“, но играше и улоги во романтични филмови како „The Lake House“, „Sweet November“, „My Own Private Idaho“ и „Destination Wedding“.
