Една кинеска компанија мораше да го затвори бизнисот за изнајмување велосипеди бидејќи остана без 90% од велосипедите кои ги изнајмувала.
Кинеската компанија Wukong престана со работа бидејќи немаше што да изнајмува. За разлика од водечките компании на пазарот во Кина, Mobike и Ofo, Wukong останала без велосипедите кои ги изнајмувала бидејќи инсталирала слаби GPS системи за следење.
Изнајмувањето на велосипедите од страна на Wukong работело преку мобилна апликација. Еден час на нивниот велосипед чинел помалку од половина долар, а оние кои ги изнајмувале велосипедите ги оставале било каде кога ќе завршат.
Проблемот бил во тоа што нивните GPS системи имале мала покриеност и се губеле од радар на одредена далечина или доколку сопственикот си го однесе велосипедот дома. Водечките Mobike и Ofo располагаат со мошне прецизни уреди за следење на своите велосипед и тоа се покажало мошне важно во нивниот опстанок на пазарот.
Wukong имале намера да инсталираат подобар систем за лоциране на велосипедите, но на крајот останале без доволно велосипеди кои можат да ги следат.
