Кинеската вселенска агенција CNSA објави снимка на којашто се гледа движењето на роверот Zhurong на површината на Марс. Снимката е направена со безжична камера којашто на површината ја постави роботот.
Објавена е и снимка што го прикажува слетувањето на роверот коешто се случи во мај годинава. На неа се гледа моментот кога се активира падобранскиот систем со кој роверот се спушти на Црвената планета.
Снимките се испратени на Земјата преку сателитот Тianwen-1. Роверот е сличен на роверите Spirit Opportunity на НАСА, пишува BBC.
„Леталото и роверот се во добра оперативна состојба и испраќаат податоци од Марс“, соопшти кинеската Агенција.
Кина е втора земја којашто слета и управува со вселенско возило на Марс, по САД.
