Веќе се патентирани две верзии на дизајнот во Европската канцеларија за интелектуална сопственост.
Откако во април ја претстави својата верзија на Volkswagen Beetle во Кина, Great Wall Motors се чини дека реши да го донесе овој модел на Стариот континент.
Имено, овој производител патентираше две верзии на дизајнот во Европската канцеларија за интелектуална сопственост, со што практично го заштити дизајнот на копијата на „буба“ во „двор“ на Volkswagen.
Апликацијата е одобрена од европското тело, а патентот важи во следните пет години со можност за продолжување на најмногу 25 години.
Интересно е што Great Wall Motors во Кина соработува со BMW. Што се однесува до Volkswagen, германскиот гигант досега не се огласи по овој повод.
Освен препознатливиот дизајн, реинкарнираната кинеска „буба“ нема никаква врска со Volkswagen и ја носи ознаката ORA Punk Cat (во имињата на моделите од брендот ОРА задолжително се содржи зборот „cat“/„мачка“).
За разлика од оригиналот, ORA Punk Cat има 4 врати и електричен погон, додека внатрешноста е исто така во ретро стил, вклучително и волан кој потсетува на оној од оригиналниот VW „буба“.
Кинескиот производител сè уште не ги објавил техничките детали за овој автомобил, а не е познато ниту кога ќе започне продажбата.
ORA Punk Cat debuts in Shanghai This is probably the coolest new car on the 2021 Shanghai Auto Show. It is the ORA Punk...
Posted by CarNewsChina.com on Monday, April 19, 2021