Скопје, 18 јуни 2020 (МИА) – Министерството за внатрешни работи (МВР) помага кога не можеме да доставиме одредени решенија, но сега веќе ќе мора тоа да се решава и на друг начин, а дали МВР постапува по однос на големите прашања, Државниот санитарен и здравствен инспекторат (ДСЗИ) и не мора да добие одговор. Јавноста треба да добие одговор за случајот кластер „Свадба“, каде се уште има само 14 позитивни и ниту еден контакт, истакна директорката на Државен санитарен и здравствен инспекторат (ДСЗИ), Иринка Сотирова Бухова.
Посочи дека по веќе отворените кластери, како што се: „Мекици Охрид“ има 21 позитивен и повеќе од 100 контакти, „Куќна слава Ресен“ има 31 позитивен и повеќе од 70 контакти.
– За жал во овој период имавме и кластери погреби на Ковид позитивни кои по протокол не смеат да се изведуваат со повеќе од пет личности. ДСЗИ нема информации дали МВР постапува по овие кластери, додаде д-р Сотирова Бухова, одговарајќи на новинарско прашања по прес-конференцијата на претседателката на Инспекцискиот совет, Магдалена Филиповска-Грашкоска.
Давањето лажни податоци и непримањето на решенијата за самоизолација ќе резултира со голем број заразени и во наредните 10 до 15 дена
Проблемите со кои наидуваме на терен на дневна основа се недавање точни лични податоци, во епидемиолошката анкета дава точно име, а презиме случајно згрешено со две или три букви, непостоечка адреса, телефонски број не постои, меил секако не. Тоа се податоците кои ги добиваме од одредени граѓани, лажни односно неточни. Податоците при врачување на решенија за самоизолација кои се со точни податоци на терен се од типот: Ова лице не живее тука со години, не го познаваме или едноставно не отворање врати за да не се прими решението, истакна денеска директорката на Државниот санитарен и здравствен инспекторат (ДСЗИ), Иринка Сотирова Бухова.
Таа апелираше ваквите постапки да се минимизираат односно да се сведат на нула, затоа што бројките кои ќе ги видиме во наредните 10 или 15 дена се правопропорционални последици на ваквите однесувања.
– Секое позитивно лице или контакт од прв ред со висок ризик со позитивно лице кое нема да го прими решението и слободно ќе фунцкционира е потенцијална бомба, односно потенцијална зараза за сите оние каде тоа ќе се движи, рече д-р Сотирова Бухова, одговарајќи на новинарско прашања по прес-конференцијата на претседателката на Инспекцискиот совет, Магдалена Филиповска-Грашкоска.
