Руската салата е совршен прилог за многу јадења, а луѓето од овие простори најчесто ја поврзуваат со новогодишните празници, па стана неизбежно јадење во зимските месеци.
Не можат да се замисли новогодишната трпеза без руска салата и куфлички. Тоа е неизбежен факт. Но, не секој успева да подготви совршена руска салата, иако делува едноставно.
При подготовката на руската салата потребно е да се внимава на неколку работи - количината на состојките секогаш да биде пропорционална, како и димензиите на парчињата зеленчук исечкани на коцки.
Зеленчукот можете да го исечкате и пред да го готвите, што ќе го скрати процесот на подготовка.
- 3 компири
- 3 моркови
- 3 варени јајца
- 300 gr грашок
- 6-7 парчиња кисели краставички
- 300 gr пилешка шунка
- 300 gr мајонез
- 200 gr павлака
- сол
Компирите и морковите убаво измијте ги, па ставете ги во тенџере со вода, посолете и варете еден час. Процедете ја водата и оставете да се изладат.
Грашокот и сите јајца се варат посебно (околу 10 минути), па се оставаат да се изладат.
Компирите, морковите и јајцата треба да се излупат и да се исечкаат на мали коцки (големини по желба). Додадете грашок, краставички и шунка, исто така исечкани на коцки, потоа додадете мајонез и павлака и сетоа тоа убаво измешајте.
