Откако се дозна дека нерешен исход на натпреварот во последното коло од групната фаза меѓу Словачка и Романија води во нокаут фазата на ЕП, коефициентите во светските обложувалници драстично паднаа.
![](/sites/default/files/styles/article_image_xxl/public/2024-06/b_240624024.jpg?itok=CdMPYIQ0)
Никогаш во историјата на европските првенства не се случило сите четири репрезентации во една група да имаат ист број бодови пред последното коло, а тоа носи специфична ситуација за селекциите на Словачка и Романија.
Групата Е на Европското првенство во Германија засекогаш ќе остане во статистичките книги на фудбалската историја како прва досега во која сите четири селекции влегоа во последното коло со еднакви бодови на табелата.
Тоа носи можност селекциите на Словачка и Романија да одиграат нерешено во меѓусебниот дуел и двете да одат во нокаут фазата. Од друга страна, во групата се и Белгија и Украина, кои својот меч го играат задутре во 18 часот во исто време и дека таму „гори“, според последните информации за наглиот пад на коефициенти во светските обложувалници.
Да им понудеше некој проаѓање на селекциите на Романија и Словачка пред почетокот на ЕП, ќе го прифатеа со раширени раце и во овој случај двете селекции напредуваат со по еден бод.
Сомнежите за регуларноста на натпреварите прилично растат, па благодарение на уплатите ширум светот, коефициентот падна од 3,50 на 1,90 во моментот на пишување на овој текст. Луѓето од различни делови на светот веруваат во мирољубива распределба на поени што би ги задоволила двете селекции, па уплаќаат пари за да го погодат нејзиниот исход.
Така, одредени медиуми ширум светот пишуваат за сомнителен пад на коефициентот во светските обложувалници, што е епилог од големите уплати на распределбата на бодовите.
Во најтешка ситуација во групата е Украина, на која ни бод не ѝ гарантира проаѓање бидејќи е на последната позиција со најслаба гол разлика, а во последното коло игра против фаворизираната Белгија.