Веројатно сакаше да исплаши некој залетувајќи се со количката, но за малку сам ќе се повредеше.
Ова го направи напаѓачот на белградска Црвена звезда, црногорскиот репрезентативец Никола Крстовиќ. Синоќа неговиот тим беше на „Никола Тесла“ аеродромот близу Белград од каде отпатува за чешки Либерец каде вечерва во Лига Европа го игра последниот натпревар против Слован.
Додека се чекаше на аеродромот, Крстовиќ реши да прави шега. Зема една од оние колички за пренесување багаж, се залета, но не стигна онаму каде што наумил бидејќи убаво се спружи среде аеродромот пред очите на сите присутни.
Толку убаво падна, што вечерва ќе видиме дали и колку ќе може да игра.
Во секој случај, српскиот шампион веќе има обезбедено пласман во нокаут-фазата, па и евентуалното отсуство на фудбалерот шегаџија нема да се одрази врз конечниот пласман.
