Кои периоди во годината се најлоши за љубов?

Според хороскопот постојат добри и лоши денови за љубов и затоа треба да се внимава кога и што се прави на таа тема.

Астрологот Инбал Хонигман ги откри најдобрите датуми, како и деновите во неделата за големи чекори во љубовта. Ако сте добиле покана за прв состанок или планирате да му кажете на некого дека го сакате, да предложите заеднички живот или дури и брак, прво погледнете го календарот, сабота е најлошиот ден за тоа.

„Избегнувајте ја саботата за големи љубовни настани. Сабота е ден посветен на забава и релаксација и не треба да има никаква врска со емоциите, освен во еден исклучок. Сабота е одличен ден за свадби бидејќи е именуван по Сатурн, планета со која владее одговорноста, зрелоста и кармата. Но, за првата средба воопшто не е добар избор“, вели таа.

Петок е многу подобар за првиот состанок. Денот кај германската група јазици е именуван по нордиската божица на љубовта Фреја (пример: Friday, Freitag, vrijdag, fredag... од старонордиски frjá-dagr - ден на Фреја), додека кај романската група е по римската божица Венера, исто така на љубовта (пример: venerdì, viernes, vendredi... од латински dies Veneris - ден на Венера).

Не спроведувајте важни љубовни настани, изливи на емоции или планови дури и кога Меркур е ретрограден. Овој небесен феномен првенствено влијае на комуникацијата и има големи шанси нешто што ќе го кажете да не биде добро разбрано. Разговорите ќе бидат чудни и вештачки, а разбирањето на пораките бавно.

„Да речеме дека сте запознале некој пред ретроградниот Меркур, сте отишле на состанок и сте си поминале одлично. Но, следниот го закажувате кога Меркур е во ретроградна орбита. Одеднаш, седите со истата личност, но немате што да кажете, зборовите тешко ви паѓаат и воопшто не се разбирате. Трета средба нема да има“, предупредува таа.

Се знае кога Меркур ќе биде ретрограден, па знајте дека, се разбира, тогаш не е забранет состанок со некого, особено што се работи за подолги периоди. Само немојте да имате преголеми очекувања бидејќи Меркур ќе „се меша“ и ќе уништи сѐ, па затоа е важно да бидете подготвени за тоа.