Миењето на косата после тренинг за многумина може да биде тешко бидејќи им одзема повеќе време, па затоа претпочитаат да користат шампони за суво миење на косата или некои други начини со кои ќе ја покријат нечистата коса.
Но, излегува дека продолженото потење не е идеално за вашата кожа и коса. Затоа, дерматолозите откриваат што може да се случи ако не ја миете косата после секој тренингот.
Дерматологот Сапна Палеп наведува дека кога потта се суши на вашиот скалп, таа создава слој на врвот на вашата кожа. Ова може да доведе до себореичен дерматитис, габична инфекција попозната како првут.
„Тоа е природна состојба што сите ја имаме до одреден степен, но акумулацијата на пот и масло создава совршен терен за одгледување на габи“, вели Палеп.
Друг дерматолог, Ејми МекМајкл, вели дека себореичниот дерматитис може да се појави и во форма на пилинг и црвенило на другите делови на телото, ако не се истуширате после вежбање.
„Тоа влијае на области каде што се произведува себум или масло од кожа, вклучувајќи ги веѓите, околу носот, центарот на градите и во потешки случаи, челото и брадата“, вели МекМајкл.
Чешањето и трепкањето поврзани со себореичен дерматитис е непријатно, но ако не го отстраните од корен би можеле да имате поголеми проблеми со кои ќе се соочите, вклучително и опаѓање на косата.
„Кога лушпи се видливи на вашиот скалп, тоа значи дека габата ги нападнала површинските слоеви на вашата кожа и ова предизвикува опаѓање на косата на таков начин што градењето ги затнува вашите фоликули на косата, забавува или спречува нов раст“, вели дерматологот Палеп.
Според една студија од декември 2018 година во International Journal of Trichology, покрај губењето на косата, себороичниот дерматитис може да резултира со поретки нишки и помалку сјај. Сепак, важно е да знаете дека пречестото миење со шампон може да доведе и до проретчена коса бидејќи ја суши косата и предизвикува кршење.
Друга причина за миење на косата после вежбање е тоа што може да добиете инфекција. Имено, себороичниот дерматитис може да предизвика чешање, а некои луѓе завршуваат со гребење толку многу што темето им крвари. Ова го зголемува ризикот од бактериска и габична инфекција.
Третманот варира во зависност од тежината на болеста. Некои пациенти се подобруваат само со шампони против првут. Пробајте некој што има активна антиинфламаторна или антигабична состојка.
Луѓето кои обично не се мијат со шампон по испотен тренинг може да развијат испакнатини на скалпот слични на акни наречени фоликулитис. Тоа е воспаление на фоликулот на косата и доколку не се лекува може да доведе до лузни и опаѓање на косата.
Бидејќи фоликулитисот е составен дел на себороичниот дерматитис, третманот е ист. Измијте ја косата соодветно за вашиот тип на коса, користејќи благ медицински шампон. Ако тоа не помогне, задолжително закажете состанок со дерматолог.
Ако само малку се испотите, тогаш миењето на косата после секој тренинг е непотребно. Кога сте во движење, можете да нанесете шампон за суво миење за да го впие маслото. Ако имате кадрава коса, треба да ја миете само еднаш неделно.
Меѓутоа, ако многу се потите после вежбање, најдобро е да ја измиете косата што е можно поскоро за да избегнете насобирање на скалпот што може да доведе до себореичен дерматитис, истенчување на косата или инфекција.
