Објавено е колку заработи Русија од продажба на нафта и гас во првите 100 дена од војната.
Русија во првите 100 дена од војната во Украина од извоз на фосилни горива заработи 93 милијарди евра. Поголем дел од фосилните горива се испратени во ЕУ, а просечната извозна цена била околу 60 проценти повисока од лани, покажа ново истражување.
Според извештајот на независниот Центар за истражување енергија и квалитет на воздух во Финска, дури 61 проценти од извозот на руските фосилни горива отишле во Европска Унија за околу 57 милиони евра.
Поединечни земји увозници на руски фосилни горива се Кина (12,6 милијарди евра), Германија (12,1 милијарди евра) и Италија (7,8 милијарди евра), стои во извештајот објавен од AFP.
Најмногу од руските приходи од фосилни горива се однесува на сирова нафта (46 милијарди евра), а потоа следат гасот кој Русија го извезува преку гасоводи, нафтените деривати, природниот гас и јагленот.
Руските цени на фосилни горива за извоз во просек се повисоки за 60 процени од лани, стои во извештајот. Некои земји како Кина, Индија, ОАЕ, го зголемија увозот на фосилни горива од Русија.
Франција значително го зголеми својот увоз и стана најголем купувач на природен гас во светот, покажува анализата.
„Додека ЕУ разгледува построги санкции кон Русија, Франција го зголеми увозот и стана најголем купувач на природен гас во светот“, вели аналитичарката Лори Милвирта.