Според списанието Forbes, ММА борецот Конор Мекгрегор, познат како Ноториус, има вкупно богатство во вредност од 99 милиони долари, според последните пресметки во јули, 2018 година.
Тоа значи дека се рангира на 12-то место на листата 100 најплатени славни личности, односно на 4-то место на листата најплатени спортисти на светот.
„Звучи чудно, но Конор всушност не троши многу пари – луксузната облека е платен да ја носи, луксузните коли што ги вози му се подарени“, објаснува неговиот тренер Џон Кавано во интервју за Irish Independent.
„Не сака да оди во ресторани, сопругата му готви“, вели Кавано.
Иако Мекгрегор е познат по екстравагантниот стил на живеење, неговиот тренер инсистира дека ММА борецот живее во „прилично скромен дом“ и „не се коцка“.
Кавано, во интервјуто со Пол Кимиџ од Independent исто така рече дека Мекгрегор е добар во борење колку што е „компетитивен во неговиот бизнис – неговото виски“.
На 7 октомври Конор Мекгрегор беше поразен од рускиот УФЦ борец Хабиб Нурмагомедов, во четвртата рунда од историскиот меч.
Кавано го коментираше поразот и рече дека тимот на Мекгрегор бил сигурен дека Ирецот ќе победи, признавајќи дека исходот од борбата покажал дека Хабиб е подобар.
