Конор Мекгрегор го предизвика славниот рапер Фифти Сент на борба бидејќи му здосади да гледа како музичарот се потсмејува со негови фотографии на Instagram, па го покани на средба очи в очи.
„Кога би морал да бирам позната личност, тоа нека биде Фифти Сент. Ох, да, би се соочил со него“, вели Мекгрегор.
Тој додава дека го користел неговото име во текот на подготовките за мечот против Флојд Мејведер, бидејќи знаел дека тие двајцата се дружат. Но, тогаш Фифти Сент почнал да го повикува на социјалните мрежи, а на Instagram постојано поставувал фотомонтажи од негови фотографии.
„Еднаш му одговорив и ме блокираше. Така што, Фифти Сент, ако го слушаш ова, ајде да се договориме за место и време“, вели тој.
Мекрегор во борба се враќа на 18 јануари 2020 година, во Лас Вегас. Сè уште не е познато кој ќе биде негов противник.
