Повеќе од половина век по објавувањето на „Кум“ (The Godfather), Дајан Китон сè уште се прашува зошто била избрана за улогата во легендарниот филм.
Актерката позната по филмот Annie Hall се обрати до режисерот на „Кум“ Френсис Форд Копола преку Instagram и го праша зошто е избрана за улогата на Кеј, сопругата на Мајкл Корлеоне.
Во својот одговор, Копола рече дека длабочината и слоевитоста што Китон успева да ги прикаже на екранот е главен фактор зад неговата одлука.
„Те избрав тебе затоа што имаше нешто длабоко, смешно и интересно во себе иако требаше да глумиш само чесна, просечна сопруга“, напиша Копола.
Режисерот додаде дека го привлекол и настапот на актерката во мјузиклот Коса.
„Фред Астер ме покани заедно да го гледаме мјузиклот Hair кој уште го немаше гледано. Ти глумеше во него и имаше прекрасен глас“, рекол режисерот.
Во 2022 година, кога беше 50-годишнината од „Кум“, Китон се осврна на неговото трето продолжение, пишува Collider. Актерката, која се појави во сите три филма, призна дека не била импресионирана од „Кум III“ од 90-тите, но минатогодишната верзија, во која Копола ги реструктуираше почетокот и крајот на филмот, значително го подобри последниот дел од трилогијата.