Новинарот на Deutsche Welle Среќко Матиќ од известуваше од Дизелдорф во Newsroom на хрватската N1каде ги коментираше домашните тестови за корона кои се користат во Германија веќе некое време.
Матиќ вели дека домашниот тест е секојдневна пракса за Германците со месеци бидејќи им е потребен за слободно движење.
„Овие домашни тестови се вообичаена пракса во Германија веќе неколку месеци, секојдневна пракса. Станувате наутро, пиете кафе, се тестирате и потоа се упатувате кон градот. Пред неколку дена започнаа да се отвораат летните тераси на рестораните и баровите. Луѓето со негативен тест по седум месеци „под клуч“ можат да ги користат услугите на рестораните, да одат на кафе или пиво и конечно да седнат и да уживаат.
Ако не направиле тест дома, и сакаат да испијат нешто после работа, на пример, тогаш имаат пунктови низ градот, тестот е готов за 15 минути. Учениците и децата од градинките можат да го направат тестот дома, а ние ги добиваме бесплатно од државата. Тоа не е ПЦР тест, туку брз антиген тест кој се прави за 15 минути, но дава индикација ако некој е заразен. Ако тестот е позитивен, тогаш треба да се направи со ПЦР“, објасни Матиќ.
Тој додава дека тестот не е комплициранза употреба:
„Не е комплицирано, сè е детално објаснето, има и видеоинструкции. Проблемот со вакви тестови е нивната несигурност. Според новото истражување, дури и секоја втор позитивен тест е лажно позитивен. Значи, 50% од луѓето кои имаат позитивен тест на домашен тест, не се позитивни на короната“.
