Ноќеска низ НБА терените се одиграа осум натпревари, а победникот на НБА купот, Лос Анџелес Лејкерс, го доживеа четвртиот последователен пораз.
Без најголемата ѕвезда Леброн Џејмс, Лејкерс играат целосно непрепознатливо. Врзаа четири порази, а последниот беше ноќва против Минесота Тимбервулфс со 118:111.
За нештата да бидат поинтересни, најзаслужен за ова е човекот кој моментално е во центарот на најголемиот скандал во НБА. Станува збор за Ентони Едвардс од Минесота, кој пред два дена беше обвинет од неговата поранешна партнерка Пејџ Џорда дека ѝ дал 92.000 долари и ја принудил да абортира.
Пејџ ги објави пораките кои ги разменила со НБА ѕвездата во кои ѝ самата му се доверила за бременоста.
Сепак, очигледно тоа не влијаеше на перформансите на Едвардс на паркетот, па тој ги уништи Лејкерс со 27 поени, 7 скока и 5 асистенции.
Милвоки Бакс со 118:114 славеше против Орландо Меџик на крилјата на Јанис Адетокунбо, кој запиша дабл-дабл со 37 поени, 10 скока и 6 асистенции. За Бакс ова е шеста победа во серија.
Изненадувањето на вечерта беше победата на Вашингтон Визардс над Портланд Треил Блејзерс со 118:117 во драматичен натпревар.
Резултати:
Детроит Пистонс - Јута Џез 111:119
Кливленд Кавалирс - Њу Орлеанс Пеликанс 104:123
Чикаго Булс - Сан Антонио Спарс 114:95
Мемфис Гризлис - Индијана Пејсерс 116:103
Милвоки - Орландо 118:114
Оклахома Сити Тандер - Лос Анџелес Клиперс 134:115
Минесота Тимбервулвс - Лос Анџелес Лејкерс 118:111
Портланд Треил Блејзерс - Вашингтон Визардс 117:118
Табела: