Славниот фудбалер Кристијано Роналдо божиќните празници ги минува во Дубаи, со девојката Георгина и четирите дечиња.
Роналдо доби слободни денови откако Јувентус заврши со натпреварите за 2020 година и веднаш се упати кон Дубаи.
Португалецот на Instagram објави фотографија со Георгина и децата Кристијано Џуниор, Алана, Матео и Ева, покрај новогодишна елка. Објавата за кратко време доби над 4 милиони лајкови.
„Ви посакуваме среќен Божиќ, многу љубов, здравје и среќа“, порача фудбалерот.
Серија А ќе продоложи на 3 јануари, а по краткиот одмор Роналдо ќе мора да се врати во Торино.