Австралискиот актер Дејмон Хериман ќе има тешка задача да се докаже пред актерската екипа полна со ѕвезди, но предност за него е што тој ќе ја има најконтроверзната улога во филмот „Once Upon a Time in Hollywood“, онаа на серискиот убиец Чарлс Менсон.
Хериман (48) е прилично анонимен за поголемиот дел од публиката, но Тарантино реши дека токму тој треба да ја добие улогата на култниот убиец, околу кого ќе се одвива дел од приказната на новиот филм на режисерот.
Во неговата прва улога во голем холивудски филм, Дејмон Хериман се најде помеѓу врвни актерски имиња како Леонардо Дикаприо, Бред Пит, Барт Рејнолдс, Ал Пачино, Марго Роби, Дакота Фенинг и многу други. Тој успеа да се пробие на американската сцена преку серијата „Justified“, која се емитува на телевизијата FX.
Дејмон Хериман го изгради името глумејќи примарно главни улоги во австралиските телевизиски серии, но повремено се појавуваше и како споредна и главна улога во неколку странски филмови од англиско говорно подрачје.
Познато е дека Тарантино е голем љубител на австралиската кинематографија, па затоа не е изненадувачки што во неговиот деветти филм тој решава да ја даде една од најважните улоги на австралиски актер кој е анонимец за поголемиот дел од публиката.
