Славниот режисер Квентин Тарантино откри кои се, според неговото мислење, најдобрите актери кои досега ги видовме во улогата на тајниот агент 007.
Во разговор за Empire, Тарантино бил замолен да ги наброи сите актери кои го глумеле Бонд, од најдобри до најлоши. Иако не бил расположен баш сите да ги набројува, открил кои се, според неговото мислење, тројцата најдобри.
„Шон Конери, Пирс Броснан и за нијанса по него Роџер Мур. А, дури потоа сите останати“, изјави режисерот.
Смета дека без сомнежи Конери е најдобриот Џејмс Бонд, но додаде дека особено го почитува и Пирс Броснан.
„Не ме трогнаа сите филмови во кои тој беше 007, што го сметам за тажен факт бидејќи мислам дека Пирс е многу легитимен Џејмс Бонд“, вели Тарантино.
Изјави дека е голем обожавател на Роџер Мур, но смета дека „го сака малку повеќе кога не го глуми Бонд“, пренесе NME.
