Lamborghini ќе го рестартира производството на Aventador за да ги надомести изгубените примероци во пожарот и потонувањето на товарниот брод.
Она што се сметаше за можно сценарио сега доби и официјална потврда, бидејќи Lamborghini најави дека ќе го рестартира производството на моделот Aventador за да ги замени 15-те автомобили од серијата Ultimae кои изгореа и потонаа заедно со товарниот брод Felicity Ace.
Станува збор за брод со повеќе од 4.000 возила од групацијатаVolkswagen, кој се запали додека пловел по Атлантскиот Океан. И покрај напорите за спасување, огнот се проширил, а бродот на крајот потона и заврши на дното на океанот. На бродот имало 85 автомобили Lamborghini, од кои повеќето биле примероци на теренецот Urus.
Меѓутоа, бродот носел и 15 примероци од Aventador. и извршниот директор на Lamborghini, Стефан Винкелман, потврдија дека компанијата ќе го рестартира производството на суперавтомобилот со V12 погон за да ги надомести загубите. Изгубените примероци од Aventador Ultimae беа на пат до нивните клиенти во САД.
Останатите изгубени автомобили припаѓаат на модели кои сè уште се во производство, па Lamborghini нема да има премногу тешкотии да ги замени.
Дали продолжувањето на производството на Aventador ќе го одложи претставувањето на неговиот наследник сè уште не е познато. Новата хибридна V12 машина е во завршна фаза на тестирање.
Бродот Felicity Ace превезуваше различни автомобили, со вкупна вредност од околу 401 милион долари.