Аргентинецот признава дека често за време на натпреварите му е тешко да држи чекор со брзоногиот Лукаку.
Лаутаро Мартинес синоќа изнуди пенал и постигна гол токму на асистенција на Ромелу Лукаку, кој пак погоди двапати во победата на Интер од 3:1 над Лацио со која го презема врвот во Серија А.
„Ромелу работи толку напорно за тимот и понекогаш морам да почнам да трчам пред него за да можам да држам чекор при контра нападите“, вели Лаутаро за Sky Sport Italia.
Голот кој го постигна синоќа беше веројатно најлесниот во неговата кариера откако Лукаку ја заврши целата работа и му сервираше на празна мрежа.
„Бев малку уморен, работев тренинзи за рехабилитација и сега се чувствувам подготвен за кога и да му требам на тренерот“.
Откако Милан изненадувачки загуби на гости кај Специја, Интер со вчерашната победа сега води на табелата со 50 бодови, еден пред градскиот ривал.
„Многу сме среќни што сме пред сите, тоа е она за кое и работевме. Но, ова е само почеток, мораме да го задржиме првото место и да не го испуштиме“, додава Мартинес.
Токму в недела на програмата е големото Дерби дела Мадонина помеѓу Интер и Милан, натпревар кој може Интер да го оддалечи на врвот или пак Милан повторно да се врати на водечката позиција.
„Следува дербито в недела, ако сакаме да останеме први, мора да одиграме како што и игравме досега“, завршува аргентинскиот напаѓач.
