Рафаел Леау вели дека има многу што да научи од Златан Ибрахимовиќ, сега откако доби шанса да игра покрај него откако претходно со Швеѓанецот играл само на PlayStation.
Со само 21 година Леау е дури 18 години помлад од шведската легенда. Можеби Ибра има 39 години, но сѐ уште не е подготвен да ги закачи копачките, а тоа го докажа и со одличниот старт на новата сезона во Серија А.
„Со него играв на PS4. Потоа дојдов во Милан и сега играм покрај него, тренирам со него во вистинскиот живот“, рече Бразилецот говорејќи за CBS Sports.
„Секој ден со него е шанса за подобрување. Многу сум горд и пробувам да го слушам и со него да се подобрувам секој ден“.
Леау е и импресиониран од различните страни на Ибра, онаа како играч и онаа надвор од зелениот терен.
„Вон теренот, тој се шегува, се смее. На терен, тој е поинаков. Тој е груб, не се шегува. Кога сте со него на терен можете да победите било кој тим, не е важно кои се тие“, вели Рафаел.
„Тој е икона. Со него во тимот можат да се достигнат големи нешта. Ни го дава искуството што го има стекнато играјќи во Лигата на пшампионите и освојувајќи ја Лига Европа. Покрај него се млади играчи и одличен стратег. Кога Пиоли доаѓа на натпреварите ни вели 'немојте да чуствувате притисок, играјте си ја вашата игра и уживајте'. Кога го слушам тоа, тоа и го правам. Едноставно уживам во играта“.
Леау сезонава во Серија А одигра 6 натпревари на кои постигна два гола и три пати асистираше, додека Ибра, кој е моментално повреден, на исто толку натпревари постигна 10 голови и една асистенција. А, пак, нивниот Милан е лидер на табелата.