Кошарка
Еден и единствен

Леброн единствениот во историјата со трипл-дабл против сите екипи во НБА

20. ноември 2019 - 10:06 | Б.С.Б.

Еден ден, кога ќе одлучи да се пензионира, Леброн Џејмс ќе остане запаметен како еден од најдобрите, ако не и најдобриот кошаркар во историјата.

Листата на тоа што досега го има остварено Леброн во кариерата е навистина импресивно, а ноќеска на неа додаде уште едно остварување кое никој пред него не го направил.

Во победата на Лејкерси над Оклахома Сити (112:107), Леброн забележа 25 поени, 11 скокови и 10 асистенции. Со тој учинок стана првиот играч во историјата на НБА лигата кој успеал да оствари трипл-дабл учинок против сите 30 екипи во НБА лигата.

Зад него се Расел Вестбрук, кој оствари трипл-дабл против 29 екипи, па Џејсон Кид (28).

Кога станува збор за вкупниот број на трипл-дабл учинок, Џејмс се наоѓа на петтото место во историјата со 86, а пред него се Оскар Робертсон (181), Расел Вестбрук (141), Меџик Џонсон (138) и Џејсон Кид (107).

Коментирај