Леброн Џејмс го собори рекордот на Карим Абдул-Џабар во НБА и стана најдобриот стрелец во историјата на лигата.
Рекордот кој стоеше од пензионирањето на Џабар во 1989 година беше 38.387 коша и се сметаше дека никогаш нема да биде надминат.
Џејмс испиша историја со кошот во третата четвртина против Оклахома Сити Тандер.
Карим беше на работ од теренот и еден од оние кои веднаш станаа и му аплаудираа на новиот рекордер.
Симболично му ја подаде топката во центарот на теренот како да ја предава круната и му дозволи на Џејмс да го сумира постигнатото во неколку реченици.
Тој започна со оддавање почит кон него, а заврши со зборови поради кои фановите на Twitter особено му се восхитуваат и пишуваат дека овој говор ќе стане легендарен.
„Многу ми значи да бидам во друштво на таква легенда како што е Карим Абдул-Џабар. Ве молам да му оддадеме почит со овации“, рече Леброн и им се заблагодари на сите кои биле дел од неговото патување до рушењето на овој рекорд.
„Без вас немаше да се случи ова. Отсекогаш сум сонувал да бидам дел од НБА, но не можев да замислам ни за милион години дека она што се случи вечерва може да биде толку добро. Ви благодарам.“