Моделот на автомобил DeLorean DMC-12, кој стана познат во осумдесеттите благодарение на филмот Back to the Future, сега има и електрична верзија.
Поточно - доби комплет кој го претвора во електричен. Ова се должи на компанијата Electrogenic која нуди комплети кои овозможуваат трансформација на старите автомобили во електрични.
Откако развија комплети за прилагодување на старите Mini, Land Rover Defenders, Porsche 911s и неколку други автомобили, тие направија и еден за DeLorean, пишува Forbes.
Како и во други случаи, инсталацијата не бара сечење, заварување или дупчење на автомобилот. Тоа мора да го направат експерти, но тоа е максимално поедноставено.
По инсталирањето на мотор од 160 киловати и батерија од 42 киловати, DeLorean забрзува до сто километри на час за помалку од пет секунди и има опсег од 240 километри.
Тежината на оригиналниот автомобил нема значително да се промени по инсталацијата, па затоа не е неопходно да се прават никакви дополнителни модификации на возилото.