Неверојатна сцена се случи на натпреварот помеѓу екипите на Лос Анџелес Лејкерс и Мемфис Гризлис, многу важна за конечниот пласман пред плеј-ин турнирот.
Натпреварот од претпоследното коло во лигашкиот дел од НБА сезоната што го одиграа Лос Анџелес Лејкерс и Мемфис Гризлис (123:120) го одбележа голем скандал кој беше забележан дури по крајот на натпреварот. Најдобрата светска кошаркарска лига мораше да ја признае грешката - мечот траеше 56 секунди подолго отколку што треба!
Проблемот настана доцна во третата четвртина, кога истече еден од нападите на Мемфис. На часовникот тогаш стоеше дека има 1:14 до крајот на четвртината, но времето мистериозно се врати на 2:20 и никој во салата не обрна внимание на тоа. Играчите на двата тима продолжија да со борбата, и практично меѓу 2:20 и 1:14 до крајот на третата четвртина двапати играа на овој натпревар. НБА потврди дека третата четвртина траела 13:06.
Ова е еден од најчудните пропусти кои сме ги виделе во НБА во последните години, а многумина го сметаат целиот крај на сезоната нерегуларен поради овој детаљ. Работата да биде уште полоша, на 56 секунди до крајот на четвртата четвртина, Мемфис имаше еден поен предност, кој Лејкерс успеаја да го претворат во своја победа.
Погледнете ја спорната ситуација:
За Мемфис овој натпревар немаше резултатско значење бидејќи секако се имаа простено од плеј-инот рано во сезоната, но беше исклучително важен за Леброн Џејмс и неговиот тим. Лејкерс на самиот крај од сезоната се борат за најдобрата можна позиција пред плеј-инот - моментално се на осмата позиција на Западот, со една победа повеќе од Голден Стејт Вориорс и Сакраменто Кингс.
Вака изгледа табелата на Западот:
