Милиони жени заболуваат од рак на дојка ширум светот. Некои животни одлуки и навики претставуваат ризик за развој на оваа болест.
Самопрегледот на дојката може да каже во порана фаза дали се работи за рак. Доколку се случат некои промени можат веднаш да се забележат, што е тешко доколку прегледот не се врши редовно, пишува Eatthis.
Редовната мамографија е исто така важна во раното откривање на оваа болест. Жените кои не одат на овој преглед имаат поголем ризик да развијат рак на дојка.
Престанувањето со пушење го намалува ризикот од рак. Имено, студиите покажале дека жените кои пушат имаат 20 до 30 отсто поголем ризик да заболат од оваа болест.
Прекумерното консумирање алкохол исто така претставува ризик. Жените кои пијат повеќе од три алкохолни пијалоци неделно имаат поголем ризик за развој на рак на дојка од жените кои не пијат, покажа истражувањето.
Наместо да се јаде многу преработена храна и црвено месо, се препорачува да се јаде зеленчук и овошје, здрава храна која го одржува телото здраво. Редовното вежбање е исто така важно бидејќи жените кои вежбаат најмалку 30 минути на ден имаат значително помал ризик од оние кои воопшто не вежбаат, покажуваат истражувањата.