Природниот телесен мирис има силно влијание на тоа како другите нѐ доживуваат, а некои научници тврдат дека мирисот ја открива нашата личност.
Луѓето трошат многу пари на парфеми, само за да бидат привлечни за спротивниот пол. Но, најновото истражување покажа дека нема ништо попривлечно од природниот мирис.
Природниот телесен мирис побрзо ќе привлече и заведе некого отколку парфемот нанесен на кожа, сметаат научници. Ова го тврдат според резултати од анализа на неколку студии, од кои заклучокот е ист: природниот мирис на телото е најдобар.
Еден тим открил дека жените повеќе го сакаат мирисот на доминантните мажи, а мирисот на доминација им е посебно привлечен во текот на плодните денови. Исто така, откриле дека жените најнепривлечно им мирисаат на мажите во текот на менструација, а најпривлечно во текот на овулација.
Осцилациите во мирисот се многу суптилни, но нашата потсвест ги препознава.
Во студија, од учесниците било побарано да го оценат мирисот на други луѓе првин со парфем, а потоа без парфем. Резултатите се интересни, повеќето го оцениле природниот мирис за попријатен, додека некои изјавиле дека мирисале многу полошо со парфем.
Очигледно е дека природниот мирис има силно влијание на тоа како другите нас нѐ доживуваат. Некои научници смета дека мирисот ја открив нашата личност.
