Италијанските медиуми пишуваат дека Ромелу Лукаку нема никаква намера да се врати во Западен Лондон и е подготвен ако треба и драстично да си ја намали платата само за да остане во Интер.
Белгискиот напаѓач многупати сезонава јасно кажа дека е среќен на „Меаца“ и дека многу жали што летото 2021 година за трансфер вреден 113 милиони евра се пресели на „Стемфорд Бриџ“.
По една година се врати во Милано како позајмен за 8 милиони евра и конечно почна да си ја враќа старата форма откако немаше среќа и со повреди.
Лукаку се надева дсека до крајот на сезонава, каде следуваат и финалињата во Копа Италија и Лигата на шампионите, ќе ги убеди челниците на Интер да направат сѐ што можат да не се врати во Челси и да го задржат барем уште една година.
Според La Gazzetta dello Sport, Белгиецот со потекло од Конго е подготвен на драстично намалување на платата само за да остане во Милано. Но, може ниту тоа да не биде доволно бидејќи и Челси треба да ја намали сумата што ја бара за нова позјамица, како и тоа Интер да обезбеди настап во Лигата на шампионите за наредената сезона за да има нов добар прилив на финансиски средства.