Поминаа осум години откако излезе премиерно беше прикажана последната екранизација на книжевниот серијал „The Chronicles of Narnia“. Добри вести пристигнуваат од Netflix, од каде велат дека работат на неколку филмови и телевизиска серија базирана на оваа франшиза.
Раководството на Netflix објави дека е потпишан неколкугодишен договор за соработка помеѓу нив и The C.S. Lewis Company, со кој тие ќе ги користат правата за екранизација на култните книги на Клајв Луис.
„Книжевниот серијал на Луис привлече многу читатели ширум светот и остави длабока трага кај секој еден од нив. Луѓето се вљубија во ликовите и приказната а нејзината популарност дополнително се зголеми по премиерата на филмската екранизација“, вели Тед Сарандос, одговорен за програмската шема на Netflix.
Филмовите „The Lion, the Witch and the Wardrobe“, „Prince Caspian“ и „The Voyage of the Dawn Treader“ засега остануваат единствените филмски адаптации на овој книжевен серијал. Според договорот на Netflix, тие ќе имаат право да го користат материјалот од сите седум книги од серијалот.
Засега не е објавен конкретен датум за премиера на првиот филм од идната франшиза, ниту пак за првата епизода од серијата за „The Chronicles of Narnia“, но од Netflix уверуваат дека се активни и работат на произведување што подобар производ за публиката.
