Британскиот елитен бренд McLaren во кратко период најави два нови суперавтомобили – најпрво моделот Speedtail, а вчера преку видео го претстави и моделот 720S, чија премиера е закажана за 8 декември оваа година.
Новата верзија на 720S е дел од производната линија Super-Series, која McLaren ја заборави во последниот период. Сепак, компанијата полека се враќа во работење со полна пареа на сите модели и ветува дека во наредните неколку години подготвува неколку пријатни изненадувања за љубителите на моќни автомобили.
Во краткиот тизер McLaren открива сосем мал дел од новиот автомобил, но ако се обрне внимание на деталите во видеото може да се заклучи дека се работи за уште еден полн погодк на дизајнерскиот тим на британскиот производител.
Според најавите, се работи за кабриолет со моќни перформанси карактеристични за суперавтомобилите на McLaren. Од компанијата велат дека моделот 720S располага со силен мотор со 711 коњски сили, а неговата премиера ја закажаа за 8 декември, кога автомобилот ќе биде претставен во целост.
Мистериозниот нов McLaren навистина ја скокотка фантазијата поради неговата уникатност одвнатре и однадвор. Навистина, колку компании можат да се пофалат со кабриолет кој има над 700 коњски сили? Не многу.